|
Durante la edá
media y moderna l´asturcón foi pieza clave
na actividá económica del país. Nel siegul XV lleváronse
a Irlanda, onde yeren mui apreciáos, y en tiempos más cercanos
esportaos a París, onde arrastraben pequeños carruaxes.
Mientres duró la tracción animal, grupos d´asturcones
yeren vendíos anualmente en distintes zones d´España,
pal so usu en tarees agrícoles.
Los asturcones tienen una
alzada de 1,25 metros de media, dependiendo del sistema de cría.
La so tiesta ye de tamañu medianu o pequeñu, frente ancha
y supranasales entrantes, más marcáos nos machos.Los güeyos
son grandes, negros y vivos. Les oreyes pequeñes y móviles.
Los ollares amplios y dilataos. Les clines llargues y mui poblaes. El
cuellu, de longitú media, mui finu, curvase nos machos adultos.
El pechu d´anchura y musculatura moderaes, tien una notable profundidá.
Les estremidaes son fines y fuertes. Tien espeyuelos anteriores, pequeños
y ovalaos, los posteriores son mui pequeños o inesistentes. Les
cerneyes son escases.Los cascos pequeños y redondeaos. El troncu
de costillares bien arqueaos. La cola de nacimientu baxu y mui poblada.La
grupa inclinada, enxamás doble.La capa negra, castaña mui
escura, na que sólo almite la presencia d´una estrella mui
pequeña.
Los asturcones viven en llibertá
tol añu. Paren nel campu, siendo d´una rusticidá asombrosa.
Muestren de forma natural unos aires vistosos y carauterísticos,
xunto a un vigor desproporcionáu al so tamañu. Una vegada
domáos ponen de manifiestu un temperamentu escelente, lo que fai
del asturcón un poni ideal pa los neños. Amás la
so aición ye suave, cenciella y mui cómoda, a lo que s´añade
la seguridá del so pasu y la so disposición natural pal
saltu. Col arnés demuestra aptitúes escepcionales.
|
