Piloña tien una cocina fundamentada, básicamente, nel campesináu y na montaña. Ellí puen cómese los más tradicionales potes de berces, guisos de patates, arroces, pitos de caleya, y conexos de corral, quesos frescos d´afuega ´l pitu.
      Al lláu d´esta cocina d´ayeri, siempre nutritiva y sustanciosa, perdura y crez la cocina de la caza representada especialmente polos guisos de xabalí, de corzu o de venáu ; les preparaciones de fabes con llebre o con perdiz y, polo tanto, por too esi sin númberu de platos a los que dan cuerpu ´l corderu y el cabritu.

     Dende fai unos veinti años Piloña esalta l´ablana nún Festival, baxo ´l patronazgu de la Virxe de la Cueva. Celebrase n´ochobre y, añu tres añu, promociona non sólo ´l cultivu d´esti frutu, sinon que, amás, fomenta ´l so destín hacia la repostería, tantu tradicional como novedosa. Amás d´esta fiesta ablanera, Piloña destina unes Xornaes, na seronda o nel iviernu, a la cocina de la caza.