Na documentación medieval
son abondes les referencies a ilesies y llugares de Piloña. Nel
Liber Testamentorum de la Catedral d´Uviéu, con fecha 23
de setiembre de 926, Ramiru II, fíu d´ Alfonsu III y la reina
Ximena, confirma les donaciones de los sos antepasaos a la Ilesia d´Uviéu,
ente les que apaecen varies ilesies y llugares de Piloña.
Nos sieglos medievales delimitose y definiose
un territoriu que recibe´l nome de Piloña, diferenciáu
del de los sos vecinos, a cuyo frente apaez a fines del sieglu XII un
tenente. Dando un saltu nel tiempu, Piloña ye uno de los conceyos
que va a la Xunta que se fae en l378 na sala capitular de la Catedral
ovetense, en magna asamblea precursora de la Xunta Xeneral del Principáu.
En 1810, durante la guerra de la Independencia,
les tropes españoles al mandu del xeneral Nicolás Llano
Ponte reúnense en L´ Infiestu pa frenar l´avance de
les tropes invasores a les órdenes del xeneral Bonet. Crease´l
Reximientu L´Infiestu.
Nel sieglu XVIII fundase la Obra Pía de
Piloña, onde se dan clases de Teoloxía Moral y Llatinidá,
Geografía, Contabilidá Mercantil, asina como clases de primeres
lletres, cultura xeneral y d´otres materies. Les primeres escueles
públiques del municipiu creense n´El Infiestu en 1785, y
en tol conceyu a partir del últimu cuartu del sieglu XIX.
El 4 de setiembre de 1880 l´alcalde comunica
a la Diputación Provincial que, a partir de dicha fecha, l´escudu
oficial del municipiu, tovía en vigor, representa sobre fondu o
cielu n´azul, a un caballeru armáu ( Pelayu), al que-y sigue
un escuderu, vadiando ´l ríu Piloña, y lleva ´l
mote o divisa n´oru: " Alante ´l mio escuderu qu´l
mio caballu pie atopa".
El 18 d´ochobre de 1891 inaugurase oficialmente
´l ferrocarril Uviéu- L´Infiestu.
Durante la Revolución d´Ochobre
de 1934, el conceyu, sobre too la capital, contó con dalguna participación
na que se nomó ´l cuartu exe insurreccional, que va dende
Uviéu hasta l´Oriente, hasta L´Infiestu.
Col llevantamientu militar en 1936, el conceyu
de Piloña, quedó enmarcáu na zona asturiana lleal
a la República, y nella quedó hasta mediaos d´ochobre
de 1937, cuando, tres pasar l´últimu baluarte defensivu,
el cursu del Sella, la fuerte resistencia asturiana cedió en bloque.
Na so retirada voló ´l ponte d´Infiestu. Na posguerra
los términos del conceyu, n´especial los montes de Peñamayor,
registraron l´actuación de varies parties d´escombatientes
republicanos.
Na segunda mitá del sieglu XX l´actividá
económica conoció ciertu pulsu col asentamientu de varies
factoríes industriales ente les que se puen destacar agues minerales
( Borines y Ques), productos llácteos ( Nestlé), llagares
de sidra, caramelos ( la firma Chupa- Chup mundialmente reconocida, creola
un empresariu de Villamayor), fábriques de muebles, etc,….
Na actualidá, Piloña ve´l
sieglu XXI col optimismu de saber que les sos indiscutibles riqueces naturales,
son garantía pal fomentu d´un turismu de calidá qu´impulse
una vez más el desarrollu del conceyu..
