El conocíu como "Home de Sidrón" (fósiles de restos humanos atopáos en 1.994 na Cueva del Sidrón, Borines), paez identifícase colos rasgos característicos del Home de Nenderthal, especie del xéneru Homo, anterior al home modernu. L´Homo Neanderthalensis apaez n´Europa fai unos 230.000 años, y estinguióse fai unos 35.000 años. Los rasgos del Home de Sidrón, aventuran la posibilidá, de que nos atopemos ante unu de los tipos de Neanderthales más primitivos, anque la comunidá científica nun se defina tovía de forma concluyente, daos los diversos enigmas que arrodian ésti ayalgu.

      En tou casu, paez que nos atopámos ante l´ayalgu paleoantropolóxicu más importante de la Prehestoria asturiana, y con probabilidá equiparable a los ayalgos d´Atapuerca, daos los últimos datos pendientes de confirmación.
      Nun se conoz restos humanos de tanta antigüedá n´Asturies ( los más antiguos pertenecen al yacimientu d´un Homo Sapiens de la Cueva de los Azules en Cangües d´Onis, de más de 12.000 años d´antigüedá).
      Nos fósiles de la Cueva de Sidrón, los científicos vieron rasgos del "Homo Heildebergensis", antepasáu direutu del Home de Neanderthal. La cifra más fiable pa estos restos taría prósima a los 200.000 años d´antigüedá.
      Los ayalgos de fósiles óseos, corresponden a restos de dentame y dientes, y apaecen nel interior de la cueva, práuticamente en superficie, lo que descarta un enterramientu intencionáu en fosa. Amás, destaca l´apaición d´un humeru de considerables proporciones, qu´indicaría qu´estos individuos yeren de proporciones mui robustes.
      Apaez una industria d´útiles líticos asociada a éstos restos, ( 26 restos de sílex), en téunica Musteriense, direutamente relacionada col Home de Neanderthal.
      Por otru lláu la Cueva del Sidrón, siempre tuvo un notable interés pa los espeleólogos, al tratase de la mayor cavidá de la rexón sobre calices non carboníferes.